پارلامەنت دەپۋتاتتارى مەن مۇددەلى مەملەكەتتىك ورگانداردىڭ, قوعامدىق بىرلەستىكتەردىڭ جانە بيزنەس-قاۋىمداستىقتاردىڭ وكىلدەرى قاتىسقان جيىندا سىبايلاس جەمقورلىق تاۋەكەلدەرىنە سىرتقى تالداۋ, قوعامدىق مونيتورينگ ناتيجەلەرى ءسوز بولىپ, اتالعان سالاداعى اكىمشىلىك كەدەرگىلەردى ازايتۋ بويىنشا ماسەلەلەر قارالدى.
باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ دەرەكتەرىنە سايكەس, تابيعاتتى پايدالانۋ جانە ەكولوگيا سالاسىندا وتكەن جىلى 26 سىبايلاس جەمقورلىق قىلمىستار تىركەلىپتى. بۇل كورسەتكىشتى اعىمداعى جىلدىڭ 4 ايىنىڭ قورىتىندىسىمەن سالىستىرعاندا, ءوسىم 3 ەسەگە ارتقان.
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى اليك شپەكباەۆتىڭ ايتۋىنشا, تابيعات رەسۋرستارى مەن قورشاعان ورتانى قورعاۋ سالاسىندا سىبايلاس جەمقورلىقتىڭ پايدا بولۋىنىڭ نەگىزگى فاكتورلارىنا تابيعات رەسۋرستارى مەن تابيعاتتى قورعاۋ زاڭناماسىنىڭ جەتىلمەگەندىگى جاتادى.
ەنەرگەتيكا مينيسترلىگى جانە ونىڭ اۋماقتىق بولىمشەلەرىمەن 2016 جىلى قورشاعان ورتانى قورعاۋ سالاسىنداعى بۇزۋشىلىق فاكتىلەرى بويىنشا 5610 اكىمشىلىك قۇقىق بۇزۋشىلىق تىركەلىپ, ولاردىڭ 92% بويىنشا جالپى سوماسى 2 ملرد. تەڭگەدەن استام ايىپپۇل سالىنعان.
جيىن بارىسىندا سالىنعان ايىپپۇل كولەمى ەڭ كوپ اۋماقتار اتاپ ءوتىلدى. ولار – باتىس قازاقستان وبلىسى – 578 ملن. تەڭگە, اقتوبە وبلىسى – 458 ملن. تەڭگە جانە قاراعاندى وبلىسى بويىنشا – 448 ملن. تەڭگە. ال ەنەرگەتيكا مينيسترلىگىنىڭ اقپاراتى بويىنشا 2016 جىلى باقىلاۋ-ينسپەكتسيالىق قىزمەتتىڭ ناتيجەسىندە قورشاعان ورتانى لاستاعانى ءۇشىن زاڭدى تۇلعالاردان جالپى سوماسى 25 ملرد. تەڭگەدەن استام تالاپ ءوندىرىلدى, ال اعىمداعى جىلدىڭ باسىنان باستاپ – 20 ملرد. تەڭگەدەن استام.
سونىمەن قاتار, جيىن بارىسىندا سىبايلاس جەمقورلىق تاۋەكەلدەرىنە جۇرگىزىلگەن تالداۋ ناتيجەلەرى قارالىپ, ونىڭ قورىتىندىسى بويىنشا «اتىراۋ وبلىسىنىڭ ورمان جانە جانۋارلار دۇنيەسىن قورعاۋ» كمم-دە زاڭمەن رەتتەلمەگەن كوشەتتەر جانە كەسىلگەن اعاشتى ساتۋ بويىنشا كاسىپكەرلىك قىزمەتپەن اينالىسۋ فاكتىلەرى انىقتالعان. وعان قوسا, ورمان كودەكسىنىڭ تالاپتارىن بۇزا وتىرىپ, اتالعان مەكەمەنىڭ قىزمەتكەرلەرىنە شابىندىق جەر تەلىمدەرىن الۋعا ەرەكشە ستاتۋس بەرىلگەن: 2016 جىلى بەرىلگەن 192 گەكتار جەردىڭ 120 گەكتارى وسى مەكەمەنىڭ قىزمەتكەرلەرىنە اقىسىز بەرىلىپ كەلگەن.
سونداي-اق كەڭەس قاتىسۋشىلارىمەن بىلىكتىلىك تالاپتارىنا سايكەس بولۋى ءتيىس, انىقتالعان سۋبەكتىلەر ارقىلى قوقىستى قايتا وڭدەۋ بويىنشا الدىن الا ورىندالمايتىن تالاپتاردى ورناتۋ اتاپ ءوتىلدى, ونىن ناتيجەسىندە اكىمشىلىك كەدەرگىلەر تۇرىندە سىبايلاس جەمقورلىق تاۋەكەلدەر پايدى بولادى. وسىلايشا, جىل سايىن پايدا بولاتىن 5-6 ملن. توننا تۇرمىستىق-قاتتى قالدىقتاردىڭ تەك 1,8% قايتا وڭدەلەدى, ال قالعانى 100 ملن. توننا كولەمىندەگى قالدىقتارعا قوسىلىپ, ارنايى پوليگونداردا جينالادى.
كەڭەستىڭ قورىتىندىسى بويىنشا اگەنتتىكپەن تابيعات پايدالانۋ جانە ەكولوگيا سالاسىنداعى مەملەكەتتىك ورگانداردىڭ نورماتيۆتىك قۇقىقتىق اكتىلەرىندەگى (81%) جانە ۇيىمداستىرۋشىلىق-باسقارۋشىلىق قىزمەتىندەگى (19%) سىبايلاس جەمقورلىق تاۋەكەلدەردى جانە اكىمشىلىك كەدەرگىلەردى جويۋ بويىنشا 37 ۇسىنىم ازىرلەندى.
نۇرلىبەك دوسىباي,
«ەگەمەن قازاقستان»